This poem belongs to a very special person.
So, here it is_
nahiiN ho khwaab tum koii
mukammal daykhuuN jisko maiN
haaN wo ehsaas ho bay’shak
jagaa kay aadhi raatoN meN
musalle pay khaDaa kar day
khuda kay saamnay ronay
pay majbooran samaa kar de
khabar na ho tumheN aesay
tumheN tumse judaa kar ke
tumheN mujh meN ravaaN kar deadhuurepan say bhii apnay
mukammal chaahateN kar duuN
jo tum na ho merii kismat
lakeereN daayraa kar duuN
maiN tumko be’sabab dekhuuN
subah say shaam bhi kar duuNna daykho merii aaNkhoN ko
bahaa kar khwaab ka dariyaa
haN dekho merii aaNkhoN meN
kabhi jo gaur say tum bhi
toh tere naam ki kashti
meN mujhko behtaa dekhogiiterii aaNkhoN meN paanii ho
merii aaNkhoN meN neeNdeN ho
meri inn siskiyoN kii zad
meN aa kay haq adaa kar do
talaashuuN uss sukooN ko jab
jo ek pal meN khatam kar day
kabhii ham ko kabhii gham ko
toh itna puuchhna mujhsay
bichharna kya zaruuri tha?
agar haan tha toh phir kyuuN tha?na lautuuN main kabhi jo tum
toh mujhko yaad mat karna
samajhna haaN zaruuri tha
mujhay marna zaruuri thalikho tum baypanaah dil pay
usay bas merii chaahat hai
likho tum baysabab dil pay
usay mujhsay muhabbat haikhuda say ab yahii bas ek
dua’a harr roz karna hai_
“agar tum haq meN ho mere
muhabbat ka tumheN dil day
nahiiN mere tum haq meN toh
rihaa kar de mire dil se
Wow heart touching… Esa lagta hai dil nikal kar rakh diya hoo 😍😍😍first stanza……. Jaga key adhi raaton main jo musaley pe khada kar dey khuda ke samney roney pae maajbooran woh samma kar dey….
Jab insan kisi ke pyaar main pagal ho aaur ussey purey dil sey chahey tab uss shaq ke khayal jinhe din bhaar soch soch kar aashiq muskurata rehta hai… Raat bhar yahi khayal woh masoom shakal samandar si ankhen… Neendein udai rakhta hai…. Khuda sey muqadar badalney ki arziyan lagnaney main insaan dino raat masroof rehta hai…
Beautiful words… By beautiful soul 😇😇
LikeLike
…. w o w
LikeLiked by 1 person
Assalamualaikum Ramadan mubarak buddy
On Tue, Apr 23, 2019, 2:42 AM I’m Here; Right Here. wrote:
> Saiz posted: ” This poem belongs to a very special person. I know it can’t > be as beautiful as the one your crush wrote for you. Of course because his > feelings are genuine and mine are formed up, or in other words, crafted. > But, I tried my best. And that’s all that matt” >
LikeLike
agar tum haq meN ho mere
muhabbat ka tumheN dil day
nahiiN mere tum haq meN toh
rihaa kar de mire dil se……….Fully impressed man…What a thoughtful lines.kahan se laate ho talent yaar
LikeLike